كۆمەڵەی قوتابیانی دەرمانسازی کوردستان - KPSA

‎پاشئێخستنا خاندنێ


‎دێ بێژین یا لسەر تە پیدڤیە ئەڤرو کارەکێ ئەنجام بدەی بوو نموونە تە دڤێت تو ٥ لاپەرێن مەلزەمەکێ ژبەربکەی ژبەر .ھندێ تو دێ مەلزەمێ دانیە بەرامبەری خوو داکو دەستپێبکەی پاشی دێ ھندەک ھزر تە مژیل کەن

‎ کا دا دەورو بەرێ خو پیچەک لێکدەم ‎

دا ٢ دەقا سەحکەمە ئینستاگرامی


‎دا سەحکەمێ ھەڤالێت من چ بوو گروپی فرێکرینە ، یان ژی دێ چییە د ھزراندا و ھزرا سوباھی کەی و دوزبا و کا دێ چ چێبیت و دێ چ کەی ….ھتد ب ھەمی شێوەیان دێ ھێجەتەکێ بوخو درست کەی دا نە خینی ، دێ سەحکەیێ روژا تە ھەمی چوو و تە چ نە خاند و تە چ نەکر پاشی دێ بێژی چنینە من وەخت یێ مای دێ سوباھی درست خینم ، دێ بیتە روژا پاشتر و ھەمان تشت دێ دووبارە بیت

‎ئەرێ بووچی ئەم د ھوسایینە ؟


‎پاشئێخستن سیفەتەکە لدەڤ ھەمی مروڤان یێ ھەی ژبەرکو چ مروڤ د تەمام و بێ کێماسی نینن ، لەورا دڤێت تو بزانی کو ئەڤ تشتە بوتە ب کێماسی نا زڤریت بەلێ ئەگەر تو ل چ چارەسەریان نە گەری و بەردەوام دڤێ رەوشێدا بمینی ھینگی کێماسی ژتەیە

‎چارەسەری چییە ؟

‎ئاریشە نە د رێکخستنا دەمیدا یە بەلێ ئاریشە یا د رێکخستنا ھزران دا ، چونکی تو دەست ژ خاندنێ نا بەردەی تنێ لدەمێ ھەستێ بێھیڤیبونێ بوتە دروست دبیت یان دەمێ تو ھەست پێ دکەی تو نەیێ ئامادەی ،ئەرێ ئەڤ ھەستە ژ چ پەیدا دبن ؟

‎بێگومان ژ وان ھزرێن مروڤ دکەتن، لدەمێ تو دبێژی ئەز نەیێ ئامادەمە نوکە یان ئەز حەژ ڤی بابەتی ناکەم ، ھێشتا من گەلەک وەخت یێ مای …..ھتد ئەڤ ھزرە و ئەو ھەستێن ژ ئەگەرێ ڤان ھزران پەیدا دبن دیوارەکێ دناڤبەرا تە و کارێن تەدا دروست دکەتن.

‎یا ژ ڤێ خرابتر ئەوە لدەمێ تو ھزرەکا نەرێنی ب وی کاری ڤە گرێدەی ئەوێ تە دڤێت ئەنجام بدەی بوو نموونە تو بێژی ما بوچییە ئەز بخینم دێ ھەر ژبیرکەم و جابنادەم ،روژا پاشتر ئەڤ ھزرە دێ پتر کارتێکرنێ لتە کەت و بارێ تە پتر گران کەت ژبەرکو وەختێ تە کێمتر لێدھێت ھەتا دوماھیێ تو دگەھییە قوناغەکێ ژ ئەگەرێ وێ بارگرانیا ڵسەر تە دێ بریارەکێ دەی و بێژی ھەما ئەز نا خینم دێ ھوسا چمە د ئەزمونێ دا چلێ بھێت بلا وەلێ بھێت

ژبەرھندێ پێنگاڤا ئێکێ و ل دەستپێکێ دڤێت تو کونترولا ھزرێن خوو بکەی و پتر ھزرا وی ئەنجامی بکەی ئەوێ دێ ب دەست تەڤە ھێت ئەگەر تە کارێ خو درست تەمام کر.

‎ھندەک رێک بوو سەرەدەریکرنێ دگەل پاشئێخستنێ

‎١-بارێ خو سڤک بکە ب رێکا پارچە پارچە کرنا بابەتان ، ئانکو مەلزەمەکێ لسەر چەند بەشا دابەشبکە ، کا چەوان مروڤ خارنێ دناڤ دەڤێ خودا پارچە پارچە دکەت دا کو مەعیدە ب ساناھی وێ خارنێ حەلبکەت دەماغێ مروڤی ژی ب ھەمان شێوە دێ پێزانینان ساناھیتر شروڤەکەت ، ئەڤ رێکە نەخشەیەکێ بو پێزانینان د دەماغیدا دروست دکەت ھوسان دێ ھەست پێ کەی کو تو باشتر یێ تێدگەھی و دێ لەشێ تە ھورمونێ دوبامین دەردەت کو دبێژنێ ھورمونێ کەیفخوشیێ ئەڤ ھەستە دێ وەلتەکەن بەردوام بی لسەر خاندنێ ھەتا تەمام دکەی.

‎٢-خاندنێ ل بەری ھەمی تشتان بدانە ، ئانکو ئەو تشتێن تە مژیل دکەن ژخوو دیربکە بوو نموونە موبایل ، ئەگەر تو نەشیای موبایلێ ژخو دیربکەی یانژی بەردەوام ھزرا تە بمینیتە لسەر، ئەڤە رامانا ھندێ ددەت کو ئەو تشتە بوتە ژ خاندنا تە گرنگترە

‎وەک پێنگاڤەکا دەستپێکێ دبیت بوتە یا ب زەحمەت بیتن و تو بێژی من بەری نوکە یا جەرباندی بەلێ چ مفا لمن نە کریە

‎ژبەر ھندێ یاسایا ٥ خولەکان بکاربینە ،ئانکو داخازێ ژ دەماغێ خو بکە تنێ ٥ دەقا بخینیت و پاشی بێھنا خو ڤەدە ، لدەمێ تو وان ٥ دەقا دخینی دەماغێ تە دێ زانیت کو بابەت ھوسا یێ ئالوز نینە وەکی تە ھزر ژێ دکر ، پشتی وان ٥ خولەکان بێھنا خو بدە و پرسیار ژخو بکە تە دڤێت بەردەوام بی ؟ ئەگەر بەرسڤ نەخێر بوو دیسا ٥ خولەکێن دی بخینە و ڤێ کریارێ دووبارە بکە ، بابەت دێ گەلەک بوتە ب ساناھیتر لێھێت و تو دێ شێی ب دروستی دەست ب خاندنێ کەی و ڤێ جارێ پتر ژ ٥ خولەکان ھەتا توو تەمام دکەی

‎-ل دوماھیێ دێ بێژمە ھەوە کو چارەسەریا ڤێ ئاریشێ یا ددەستێن مروڤی بخو دا ھندی تو لدویف بچی و پسیار بکەی ئەگەر ئیرادە نەبیت تو نەشێی ڤێ ئاریشێ چارەسەر بکەی، ژبەر ھندێ دەستپێکێ ھزرێن خو رێک بێخن پاشی دەمێ خو رێک بێخن و پاشی کارێن خو رێک بێخن

خودێ دخازم لبەر ھەوە ساناھی بکەت و ھێزێ بدەتە ھەوە و داخازا بەختەکێ باش بوو ھەوە یێن ھێژا دکەین ئەگەر تە مفا ژێ بابەتی دیت دگەل ھەڤالێن خو بەلاڤ بکە

سۆشیاڵ میدیای KPSA