KPSA١-ھزرەکێ لسەر وان بابەتان وەربگرە ئەوێن تو دێ ل سالا نوی دا خوینی : -تو دشێی پسیارا قوتابیێن سالێن پێشتر بکەی سەبارەت وان بابەتێن دێ د سالا نوی دا خوینی ، رێکا شروڤەکرنا بابەتی ژ لایێ دکتورا ڤە، ھەروەسا ھندەک شیرەتا ژ وان وەرگری بو نموونە کا چەوا بخینی و كونترولێ لسەر بابەتان بکەی.
٢- ئەو خەلەتیێن تە ل سالا چوی کرین لبیرا خو بینە و وان خەلەتیان د سالا نوی دا دوبارە نەکە . بو نموونە: درەنگ نە چییە دناڤ وانێن خو دا، د ھەمی وانەیان دا ئامادەبە و نەھێلە ژتە بچن ، ھەروەسا نەھێلە خاندنا تە بکەڤتە سەر ئێك
٣- رێکا فێربونا خو یا تایبەت ببینە . لدویڤ خالێن ھێزاتە و لاوازیا تە باشترین رێک کو مێشکێ تە دشێت پێ فێرببیت ھەلبژێرە
٤- پێکولا بکە جھەک و ژینگەھەکا ئارام و گونجای بوو خاندنێ پەیدابکەی.
٥- پێکولان بکە بکارئینانا موبایلێ کێمتر بکەی ژ روژێن بێھنڤەدانێ ھەروەسا ھەمی چالاکیێن خو سنوردار بکە دا بشێی دەمێ خاندنێ یێ پێتڤی دەستخوڤە بینی.
٦-تیمەکێ دگەل ھەڤالێن خو دروست بکە دا کو پرسیار و خالێن گرنگ دگەل بەشداربکەی گروپەکێ ل سوشیال میدیایێ دروست بکە بو بەشدار کرنا تێبینییان ، , ژڤانێ تاقیکرنان، پرسیاران.
٧- ئەگەر تە بابەتەک ل سالا نوی ھەبیت کو ھەمان بابەت تە ل سالا پێشتر وەرگرتبوو یا باشتر ئەوە تو پێداچونەکێ لسەر وی بابەتی بکەی چونکی د سالا نوی دا تو دێ خواندنا وی بابەتی تەمام کەی.
٨-رێکخستن: •دەمێ نڤستنا خو رێکبێخە ب شێوەیەکێ کو لدەمێ وانەیان یێ ئامادەبی و وەستیای نەبی •لیستەکێ ژبو کارێن خو یێن روژانە یان یێن حەفتیێ بنڤیسە ب شێوەیەکێ ئەڤ لیستە کارێن تە و وان ئارمانجێن تە دڤێت بجھ بینی بوتە دیاربکەت. و ھندی کارێن تە د ڤێ لیستێ دا بھێنە نڤێسین دێ پتر ھێنە رێکخستن.
٩- ھاندان (motivation ) ئەگەر تو نەشێی خو ھانبدەی بو دەستپێکرنا خاندنێ ، پێکولان بکە بتنێ بو ماوێ ٥ خولەکان دەست ب خواندنا بابەتەکی بکەی ، پشتی ڤان ٥ خولەکان تو دێ بریارێ دەی کا تە دڤێت بەردەوام بی یان نە ، ئەگەر تو نەشیای بەردەوام بی وی بابەتی بدانە لایەکێ و دگەل بابەتەکێ دی دەستپێبکە ھەر ٥ خولەکان ،ئەڤ ٥ خولەکە دێ ھاریکاریا تە کەن لسەر خواندنا بابەتەکی بەردەوام بی ، ژبەرکو پتریا جاران بەشێ ب زەحمەت دەستپێکرنە.
١٠-روتینەکێ ساخلەم •گرنگیێ ب ساخلەمیا خو بدە ب رێکا لدیفچونا روتینەکێ باش ئەوژی سیستەمەکێ خوارنا ساخلەم و ئەنجامدانا وەرزشێن سڤک روژانە بو ١٥ خولەکان داکو ھێزێ بدەتە لەشێ تە.
. •ھەروەسا یا گرنگە تە نڤستنەکا باش ھەبیت داکو مێشکێ تە یێ چالاکبیت .
