هەوکردنی ژێی ئانیشک

جۆرێکە لە نا رێکی لە ئێسکەپەیکەر و ماسولکەکان کە ئاماژەیە بۆ هاوکردن لە ژێی ئانیشک. ئەم دیاردەیە دەکرێ
لەهەر کەسێکا دەرکەوێ کە بەردەوام فشار دەخاتە سەر ماسولکەکانی مەچەک و باسکی.
هۆکارەکانی توشبوون
بەکارهێنانی هێزی لە ڕادەبەدەر بۆ چەماندنەوەی لەپی دەست بەرەو باسک، کەمی سوری خوێن بۆ ژێییەکان کە وا ئەکا پرۆسەی چاکبوونەوەیان خاو بێت،لاوازی ماسولکەی شان و مەچەک، زۆر بەکارهێنانی ماسولکەکانی باسک و مەچەک.
ئەو کەسانەی مەترسییان لەسەرە ئەگەری روودان لە وەرزشکارەکانا زۆرترە، بە تایبەت یاریزانی:

• تێنس

• گۆڵف
• بەرزکردنەوەی قورسایی
• بێیسبۆڵ

هەروەها :

• بەردەوام بەکارهێنەرانی کۆمپیوتەر
• وێنەکێشەکان
• چێشتلێنەرەکان
• وەستای ئاو
• قەساب

نیشانەکانی ئەم نەخۆشییە

• باوترین نیشانە ئازاری باسکە بە ڕووی لەپی دەستا
• ئازار لە کاتی چەمانەوەی مەچەک لە دژی فشارێک، لە کاتی گوشینی تۆپیکی لاستیکی، یان بەرزکردنەوەی قورسایی.
• ئازار لە کاتی کشاندنی ئانیشک.

لێکەوتەکانی چین ؟ ( Complications)

گرنگترین لێکەوت پچڕانی تەواوەتی ژێییەکەیە

بەکارهێنانی دەرزی بۆ ناو جومگەکە بە مەبەستی چارەسەر دەکرێ زیان بە بەستەرەکە بگەیەنێت بێهێز بوونی دەست بە شەوەیەک نەتوانی کار و باری رۆژانە ئەنجام بدەی.

دەستنیشان کردن لە ڕێگەی هیماو نیشانەکانەوە ئەنجام دەدرێت یاخود پشکنینی فیزیای، واتا ئەنجامی پشکنینی تیشک( X-ray) ئاسای دەردەچێ.

چارەسەر

• دوورکەوتنەوە لەو هۆکارانەی کە ئەبنە هۆی ئەم نەخۆشییە.
• وەرگرتنی ئەو ئازار شکێنانەی کە پێویستیان بە ڕەچەتە نییە (ex. NASIDs; Ibuprofen, Naproxen)
• ئەنجامدانی ئەو وەرزشانەی کە ئەبنە هۆی بەهێزکردنی ماسولکەکان
• بەکارهێنانی قایشی دەست (brace) بۆ پاڵپشتی

لە هەندێ حاڵەتا لەوانەیە پێویست بە بەکارهێنانی یەکێک لەم چارەسەرانە بێت:

• دەرزی ستیرۆیدی Betamethasone), Methylprednisolone)
• نەشتەرگەری
• دەرزی PRP

ڕێگری کردن

ئەنجام نەدانی هەر جووڵەیەک کە ببێتە هۆی ئازاز لەم ماسولکانەیا، ئەگەر نەتوانرا ئەوە باشتر وایە ماسولکەکانت بەهێز بکەی

پێداچوونەوەی: د.پاڤێڵ جەلال