مفایێ خوین بەخشینێ چیە؟
و کەنگی دێ خوینێ بەخشی?
خڕابیەک تێدا هەیە یان نە؟؟
مفایێت وێ:
١ زڤڕاندنا خوینێ ب هێز دئێخیت ، و دبیتە ئەگەرێ ب هێزئێخستنا مێشکێ هەستی ، ئەوێ بەرپرس ژ چێکرنا خرۆکێن خوینێ ، داکو ب کارێ خو ڕابیت و ئەو خوینا هاتیە بەخشین قەرەبووبکەت.
٢- ئەگەرێن توشبونا ب ئێشێن دلی و (جلطة) و کانسەرێ (سرطان)ێ
کێم دکەت ل مروڤی ، چونکە بەخشینا خوینێ ڕێژا ئاسنی کێم. دکەت د ناف خوینێ دا و زانستی یا دیارکری کو زێدەبونا ئاسنی دبیتە کەرەستەکێ سەرەکی و کاریگەر ژ چێکرنا گەلەک ئێشێن گران.
٣- ل دەمێ بەخشینێ ئەو خوین تێتە پشکنین ل تاقیگەهێ و هەمی جوڕێن تاقیکرنا ل سەر تێنەکرن کا یا پاقژ و درستە بێتە بەخشین بو کەسەکێ دی یان نە ، وەک تاقیکرنێن ئێشێن ئایدزێ و هەودانا مێلاکێ یا ڤایروسی ومةلاريايئ……………………….هتد .
ئانکو هەروەکو تە بخوژى مفا ژ ڤێ پشكنينى ديت ، چونکە سلامەتیا تە دێ ئێتە دووپاتکرن کا یا باشە یان نە..
کەنگی ئەو خوینا تە بەخشی دێ جهێ وێ ئێتە تژیکرن ب خوینەکا نوی ؟
* ئەو ڕێژا تە ژ دەستدای ، لەش ڕادبیت ب چێکرنا جهگرێ وێ د ماوێ(١٢-٧٢) کاتژمێرا دا .
* ئەو پڕوتینێت ناف دا ، تێنە چێکرن د ماوێ (٣-٤) ڕوژاندا .
* تەپکێت خوینێ تێنە بەرهەم ئینان ل شوینا یێت هاتینە ژ دەستدان د ماوێ (٣) ڕوژان دا ،و کامل د بن د ماوێ (٤-٨) حەفتیان دا .
ئەو مەرجێن د ڤێت ل دەف خوین بەخشی هەبن ؟
١- دڤێت ژیێ وی د نافبەرا (١٨-٦٥) ساڵا دا بیت
٢- دڤێت کێشا وی ژ (٥٠) کیلویان کێمتر نەبیت .
٣- دڤێت ڕێژا هیموگلوبینێ د ناڤا لەشی دا یێ نێر(١٣-١٧،٥) بیت و یا مێ (١٢،٥-١٤،٥ )دابیت ،
٤- دڤێت پەستانا خوینێ (ضغط الدم) دنافبەرا(٦٠/١٠٠) و (٩٠/١٤٠) دابیت .
٥- دڤێت لێدانێت دلی (نبضات القلب) دنافبەرا (٥٠-١٠٠) دا بیت د خولەکەکێ دا .
٦- دڤێت گەرماتیا لەشی ژ (٣٧) پلا بەرزتر نەبیت.
ئەو چ حالەتن نابیت خوین لێ بێتە کێشان و بەخشین ؟
١- ئەو کەسێن خوین وەرگرتین ڤێجا چ جوڕە خوینەک بیت .
٢- ئەو کەسێن نەشتەگەریەک بو هاتیە کرن د ماوێ ساڵەکێ دا نابیت خوینێ ب بەخشینیت
٣- ئەو کەسێن توشی ئێشەکا ڤەگر بوین ، وەک ئایدز و هەودانا مێلاکێ و زهری و …هتد .
٤- ئەوێن ئێشێت کانسەر (سرطان) و دلی (قلب) و (صرع) و هەر وەسا ئەوێن ئێشا شەکرێ هەین کو ب ئەنسولینێ چارەسەریێ وەردگرن.
٥- ئەو کەسێن ئێشێن بنیاتی هەین وەک تالاسیمیا و هیموفیلیا و کێمبونا خوینێ (فقر الدم) و …هتد .
٦- ئەو کەسێن حەساسی هەی وەک ڕەبۆ و هندەک حەساسی ژ دەرمانا .
مەترسی هەیە ژ خوین بەخشینێ؟
بەخشین (٤٥٠مل)خوینێ د کێشیت ، ئەف پروسێسە تێتە ئەنجامدان بو ماوێ کێمتر ژ چارێک دەمژمێرێ ، پشتی درێژکرنا تە ل سەر تەختێ کێشانێ و ئەو ئامیرێن تێنە ب کارئینان کو گرێدانا زەندکیە دا ڕهێن خوینێ لاو دەرکەڤن و پاشی پاقژکرنا جهێ خوین کێشانێ ب کلینەڕەکی (تعقیم) و ئەو کیس و ئامیرێن کێشانێ د نوی نە و نائێنە ب کارئینان جارەکا دی ، ئانکو تو ئێکەم و دوماهیک کەسی وان ئامیرا ب کاردئینیت ، و چ کێشێت دی تە نابن ، و چ مەترسیێت ئێشا و کارئێخستنا پارچێت لەشی تێدا نینن
ئافرەت د شێن خوینێ ب بەخشن ؟.
بەلێ ئافرەت ژی دشێن خوینێ ب بەخشن ل دویف وێ ڕێژا مە ل سەری دیارکری ، لێ باشتر ئەوە یێت دووگیان و بەر شیر خوینێ نەبەخشن چۆنکی ئافرەتا دووگیان زۆر پێدڤی ب خوینێ هەیە ۆ ئەگەر هات و خوین بەخشی دێ مەترسی ل سەر ژیانا زارۆکی هەبیت.
کەنگی دێ شێی جارەکا دی خوینێ بەخشی ؟
ژبۆ کەسێ ساخلەم هەر دوو هەیڤا تو د شێی خوینێ ب بەخشی ب شێوەکی کو د ساڵێ دا ژ (٥) پێنج جارا پتر نەبیت، ،
چبکەم بەری خوین بەخشینێ ؟
یا باش ئەوە بەری خوین بەخشینێ ب (٢) دوو دەمژمێرا تو خارنەکا هاۆسەنگ و سڤک بخوی خو دویر بێخە ژ خوارنێت پری چەوری (دهنیات)، و بەری بەخشینێ ب (١)ب دەمژمێرەکێ جگارێ نەکێشی ۆ خۆ دویر ئێخستن ژ
وان ڤەخوارنێت کافایین دناڤدا وەکی (چایێ) ……..
چبکەم پشتی خوین بەخشینێ؟
٭ ماوێ (٥-١٥) خولەکا ل سەر تەختێ خو نەرابی.
٭ تشتەکێ شرین و ڕوون بخوی و ڤەخوی.
٭ چ کار و وەرزشێت گران نەکەی د ماوێ ٢٤ دەمژمێرا دا.
٭ بو ماوێ دەمژمێرەکێ جگارێ نەکێشی.
٭ بو ماوێ ١٢ دەمژمێرا چ تشتێت گران ب وی دەستێ خوین لێ کێشای نة هةلگرى.